قصيدة عنوانه حته على موت العراقي حازدينه

الأخوة الأعزاء السلام عليكم ورحمة الله وبركاته

أحببت أن اشارك الأخوة أنصار الحسين (عليه السلام) ببعض الأبيات العراقية التي تبين حال العراق مع العرب ، وأرجو أن تعذروني إذا كان بها أي خلل أو نقص ، لأن بعض الأخوة يعرفون أنني أحب شعر وأكتبه ولا اعتبر شاعر مقارنة مع الشعراء المبدعين المتواجدين في هذا المنبر . . .




حتى على موت العراقي حاسدينه


عجيبة يا ناس هذه العالم عجيبة


حتى على موت العراقي حاسدينه

العالم تموت واهم بس يتفرجون بخيبة


الشوارع علينه بجت واهمه عينهم ما دمعت علينه

ما شفنه منهم غير المفخخات والأجسام الخسيسه


بدل ما يساعدونه صاروا يتشمتون بينه

والله مصيبة يا عرب أنتو والله مصيبــــه


وين الغيرة والشرف والأخلاق الرزينه

ميات عدنه اتموت وبالغرب واحد تصير عدهم غريبه


ليش بس العراقي مذبوح وفوق الذبح اتمدحون ذباحينه

اسنين صدام يدفن بالشعب وما هزتكم الغيرة


وبيدكم انتوا ويا صدام للشعب دافنينه

صرتوا مجانين من شفتوا بالحكم صارت الشيعة


واصبحنا عملاء وبس انتوا اتحكمون بشريعة الله ودينه

شوفوا منين اجت قوات التحالف يا عميان البصيرة


وكولولي يا بلد منكم مابيها عساكر وقواعد وسفينه

ويابلد ما بيها أسواق ومطاعم وجبات سريعة


ولو ما أمريكا جان أنتوا بعدكم عايشين بالفقر واسنينه

ملابسكم وسينما وحتى الهمرات موديلات حديثة


ليش عليكم حلال وعلى العراقي حرام العيشة الزينه

صار الفرح ويا الشعب عداوة ما مرة صار حبيبه


لأن الحزن انولد بالعراق وحالف ما يخلينه

ويا بلد مثل العراق كل هذا النفط والشعب خالي جيبه


ويا بلد بيه نهرين وما نلكه قطرة التروينه

ويا بلد بيه التوابيت تجارة ربحها أكيده


ويا بلد بكل بيت فاتحة ودموع وأيتام حزينه

يا عرب كلشي ما نريد منكم كافي ملينه


تركوا العراق مثل ما جنتوا كل ذيج السنين ناسينه